INZIRA 3 ZIGANA KU MAHORO NYAKURI

Inzira eshatu zigana ku mahoro nyakuri

Mu mibereho y’umuntu, hari inzira eshatu yanyuriramo kugira ngo ashyikire amahoro nyakuri :

1. Kumvira Imana : bihesha umuntu umutekano mu mutimanama

2. Kubana neza n’abandi : bitera ihumure mu bwenge
3. Ubuzima bwiza : butera amahoro n’ubwumvikane mu mikoranire y’ingingo

Uyu ni na wo mugambi nyakuri w’iyobokamana. Iyo kimwe muri ibi gihungabanye, umuntu afatwa n’indwara : Kutumvira Imana bitera indwara ; kubera abandi nabi bitera indwara ; kutubahiriza amategeko agenga impagarike, na byo bitera indwara.

Muri rusange, hariho ibyishimo by’uburyo bubiri : Kwinezeza (plaisir : bonheur du corps) n’ibyishimo cyangwa umunezero w’umutima (joie : bonheur de l’âme).

Bibiliya na byo igira icyo ibivugaho : “Ukundwa, ndagusabira kugira ngo ugubwe neza muri byose, ube mutaraga nk’uko umutima wawe uguwe neza… ntukigane ikibi ahubwo wigane icyiza. Ukora ibyiza ni we w’Imana, naho ukora ibibi ntiyari yabona Imana.” (3 Yohana 1:2, 11).

“Umutima unezerewe ni umuti mwiza, ariko umutima ubabaye umutera konda.” (Imigani 17:22). “Nzaguhindura ubwoko bukomeye, nzaguha umugisha, nzogeza izina ryawe, uzabe umugisha.” (Itangiriro 12:2).

Bitewe n’uko umuntu atakunze kugendera muri ibi byavuzwe hejuru, ikiremwa muntu kuri ubu cyibasiwe n’indwara nyinshi ziremereye mwene muntu.

Muri iki kiganiro, turibanda ku ndwara z’impyiko.

Impyiko ubwayo ni rumwe mu ngingo eshanu zishinzwe gusohora imyanda yo mu mubiri w’umuntu, ari zo izi zikurikira :

1. Ibihaha bisohora ibyitwa dioxide de carbone, binyuze mu mwuka
2. Umwijima usohora imyanda ubanje kuyisuka mu mara, wiyambaje agasabo k’indurwe (vésicule biliaire)
3. Amara asohora imyanda yakomotse ku byokurya, ayinyujije mu kwituma
4. Uruhu rusohora imyanda inyuze mu byuya
5. Impyiko zishinzwe gusohora amazi n’imyunyungugu n’ibisigazwa by’inyubakamubiri byahindutse indurwe zishaje.

Izi ngingo zose zifatanije gusohora imyanda zikoresheje gusohora umwuka mubi, inkari, umwanda mukuru n’ibyuya.

Imyiko ziyungurura amaraso yoherejwe n’umutima buri kanya ku buryo impyiko zinyurwamo n’amaraso angana na litiro 1500 z’amaraso ku munsi, mze binyuze ku tuyunguruzo twinshi tuba mu myiko, tugasohora muri ayo maraso inkari zingana na litiro imwe n’igice (1,5 litre). Impyiko ziyambaza utuyunguruzo twinshi two muri zo twitwa « glomerules » mu murimo wo kuyungurura.

-        Ibitera impyiko uburwayi bikomoka mu gukoresha imiti myinshi yo kwa muganga n’ibikangura umubiri, haba mu kurya cyangwam u kunywa.

-        Zishobora no kurwazwa no gukomoka mu muryango ufite indwara z’ibyuririzi

-        Zishobora kandi guterwa no gukoresha ibyokurya bifite urugimbu (ibinure) n’inyubakamubiri nyinshi.

-        Impyiko na none zishobora kunanizwa n’imikorere y’intege nke y’uruhu n’ibihaha bidasohora imyanda, bikomotse ku gukora imirimo wxicaye, hamwe no kuba ahantu hatagera umwuka mwiza mwinshi.

Ibimenyetso by’uko impyiko zirwaye

-          Gukunda kubyimbagirana ahazengurutse amaso (ibitsike)

-          Kugabanuka kw’inkari zigahindura ibara

-          Umuvuduko w’ikirenga w’amaraso

Mu bimenyetso rusange, twavugamo :

-          Kuribwa n’umutwe cyane

-          Kwiyumvamo imbaraga nke

-          Umunaniro mwinshi

-          Gukunda kuruka no kugira iseseme

-          Kumva wiremereye

-          Guhumeka biruhanije

Mu mpyiko, habamo indwara zinyuranye :

-          Imisenyi yo mu mpyiko (calculs rénaux) : irangwa no kuribwa n’umugongo, umuntu akabura uko yifata, mu nkari hashobora kugaragaramo amaraso

-          Glomerulonéphrite : ni indwara irangwa no kuziba k’utuyunguruzo, kugabanuka kw’inkari, amabara y’inzaduka mu nkari, kubyimbagirana no kwihuta kw’amaraso bitewe n’amazi n’imyunyu itasohotse, bikomotse ku kutihagarika bihagije.

-          Syndrome néphrétique (néphrose) : utuyunguruzo turaguka tukananirwa gutangira inyubakamubiri zikajya zivanga kandi zikagenda mu nkari. Aho ni ho abantu bagira amazi mu mbavu cyangwa mu nda.

-          Insuffisance rénale : iyi ndwara irangwa n’ingirabika z’imihore y’impyiko zigabanuka.

Ibimenyetso byayo :

Birangwa no kwihagarika inkari nke, imyakuro y’umuntu igakora nabi, ikarangwa n’umunaniro w’umubiri n’ubwenge, guhora umutwe uremereye, gukunda guhunikira, kumva udashaka kuvuga, kuzimira kw’intekerezo, kutaryoherwa, iseseme, kuruka, amaraso yihuta, kubyimbagirana umubiri wose, umutima utera nabi bitewe na potassium yivanze mu maraso.

Uburyo bwo gukingira impyiko 

-          Gukunda kunywa amazi kenshi

-          Kugabanya umunyu mu mirire

-          Kugabanya inyubakamubiri

Ibyo kurya bimerera neza impyiko

-          Intoryi

-          Céléri

-          Ibihaza

-          Noisettes

-          Pastèque

Ibi biribwa biri mu rutonde rw’ibyoza impyiko neza.

Ibyo kurya bizivura

-          Ibyo kurya bibisi (biribwa bitagombye gutekwa)

-          Imitonore

-          Itunda rya pomme

-          Imizabibu

-          Soya

-          Ibinyampeke byuzuye (céréales complètes)

-          Ibinyomoro

Uburyo bwo kuzivura

• Igitunguru cya onyo + indium + ubuki + amavuta ya elayo, bivanzwe bikaribwa ari bibisi, kane mu cyumweru, mu byokurya bya saa sita.
• Kwiririrwa imbuto (fruits) : ibinyomoro, pomme, imyembe. Kabiri ku munsi, iminsi ibiri mu cyumweru, saa moya na saa kumi.
• Gukora umutobe (jus) w’igisura na kapusine, ukanywa amatasi abiri ku munsi, iminsi itatu mu cyumweru.

Imvange y’ibi bikurikira : time na romarin, bitekanywe, ukayungurura, ibirahuri bitatu byabyo, ukavangamo ibiyiko bine (4) by’ifu y’ingano nziza, ibiyiko bine by’ifu y’uburo, bine by’ifu y’amasaka, bikamarana amasaha 12. Ibyo birahuri bitatu ukabinywa mu buryo bukurikira : kimwe mu gitondo, kimwe saa sita, kimwe n’imugoroba, ukavangamo ubuki ugiye kunywa. Kubikora iminsi itatu mu cyumweru.

BIBILIYA YONGEYE KWIBASIRWA N'ABAHAKANYI

BIBILIYA YONGEYE KWIBASIRWA N’ABAHAKANYI

--------------------------------------------------------------------------

Bibiliya n’ihuriro ry’amagambo yaturutse k’Uwiteka binyuze mu kanwa k’abana bayo aribo abakurambere bakiranutse, abahanuzi n’Intumwa. Mu gihe cy’abakurambere guhera kuri Adamu –Abrahamu nta bibiliya yariho ni ukuvuga amagambo yanditse mu gitabo ; ahubwo amagambo y’Imana kimwe n’amategeko yayo byari mu bwenge bwabo no mu mitima yabo uko ibisekuru byakurikiranaga yagendaga aba uruhererekane kubwo kwigisha urubyaro rwabo bari bagifite ubwenge butaraga n’impagarike nzima. Ijambo ry’Imana ritugaragariza neza ko mu myaka 930 Adamu yabayeho (Itang :5 :5) yigishaga urubyaro rwamukomotseho guhera mwirema nta nagato yibagiwe .

« Adamu yakomoye amateka y’irema mu kanwa k’umuremyi ubwe. Yiboneye ibyabayeho mu myaka magana  cyenda kandi n’urubyaro rwe rwamukomoyeho ubumenyi. Abambere y’umwuzure ntibagiraga igitabo cyangwa inzu y’ibyamateka bagombaga kwifashisha. Ahubwo ubwonko bwabo bwari buhanitse kimwe n’imbaraga z’impagarike n’izintekerezo, ntibabashaga gusa gufata ibwo bumvise, ahubwo, babisubiriragamo urubyaro rwabo nta na kimwe bagabanije. Kubw’ibyo, mu mu binyejana, ibisekuru icyenda byambere by’icyo gihe baricaranaga bakungurana ubumenyi (Patriarches et Prophètes, p. 60) kubwingaruka z’icyaha umuntu yagiye agabanuka buhorobuhoro mu gikuriro cy’impagarike, mu ntekerezo n’imyaka y’uburame iba mike cyane.

Nyuma y’imyaka magana ane na mirongo itatu abaisiraheli bamaze mu bubata bwo mu gihugu cya Egiputa ; mu gihe cyo gutahuka basubira mu gihugu cy’isezerano ubwo bari bayobowe na Mose nibwo Imana yatangiye kuvugana nabo hakoreshejwe inyandiko kugeza ubwo nayo yabandikiye amategeko yayo kubisate by’amabuye (Kuva 20 :1 ; Gutekeka 10 :1-5) andi yo yanditswe na Mose kandi ayandika mu gitabo (Gutegeka 31 :24) ubwo bari mu butayu. Mose ubwe yanditse ibitabo bya bibilia bibanza Itangiriro, Kuva, abalewi, gutegeka kwa kabiri, kubara, nuko ibindi bikurikiraho byandikwa n’abamukurikiye , n’abahanuzi bo mw’isiraeli bahagurutswaga n’Uwiteka mbere yo kuvuka kwa kristo ariryo sezerano rya ke

Isezerano rishya ryo ryaje risohoza ubuhanuzi bw’isezearano rya kera ryandikwa n’intumwa zabanye na kristo. Muri aba bose banditse amagambo ya bibilia bose bayakomoye ku Mana mu mayerekwa abo ni nk’abahanuzi kandi berekwaga na Kristo ubwe, intumwa zagize amahirwe yo kwivuganira na we imbona nkubone bakorana nawe niyo mpamvu Yesu Kristo yababwiye  ati « abahanuzi bose bifuje kureba ibyo mureba ubu ariko ntibabibasha niyo mpamvu mu hirwa (Luka 10 :24) ari amagambo y’isezerano rya kera ni rishya yose inkomoko yayo ni Kristo. Dore uko intumwa zibihamya :

-          2 TIMO 3 :16 :Ibyanditwe byera byose byahumetwe n’Imana kandi bigira umumaro wo kwigisha abantu

-          2 PETERO 1 :19-21 :Abantu b’Imana bavugaga ibyavaga ku Mana bashorewe n’Umwuka Wera

-          ABAHEBURAYO 1 :1 :Kera Imana yavuganiye na ba sogokuruza mu kanwa k’abahanuzi mu bihe byinshi no mu buryo bwinshi,naho muri iyi minsi y’imperuka yavuganiye natwe mu kanwa k’Umwana wayo

Nicyo cyaytumwe yohana asoza igitabo cy’ibyahishuwe agira ati : “Uwumva wese amagambo y’ubu buhanuzi bwiki gitabo, ndamuhamiriza nti : Nihagira umuntu uzongera kuri yo, Imana izamwongereraho ibyago byanditswe muri iki gitabo. Kandi umuntu ukura ku magambo y’iki gitabo cy’ubu buhanuzi, Imana izamukura ku mugabane wa cya giti cy’ubugingo no kuri rwa rurembo rwera byanditswe muri iki gitabo Ibyah :22 :18-19 »

Intambara itorero ry’intumwa ryanyuzemo kubwo guhamya Yesu Kristo no kwandika amagambo ya Bibiliya hamenetse amaraso menshi y’abera ariko byageze ubwo bibiliya yashyizwe mu biganza by’abana b’Imana nabo barayigundira cyane kuko ariyo byiringiro byabo. Aho satani yananiwe gusibanganya abera n’ijambo ry’Imana akoreshaje ingufu yabigezeho akoresheje uburyarya.( Tragédie des Siècles, p. 123) kwandikwa kwa bibiliya byashoreje ku ntumwa nkuko tubibona mw’itangiriro kugeza mu byahishuwe ni ibitabo 66 by’isezerano rya kera n’irishya (ni nabyo abagorozi bakurikiyeho bahindura bibiliya mu ndimi zitandukanye bahamije ko aribyo by’ukuri) ibindi by’ikirenga bitangiye kuboneka muli Bibiliya y’iyerusalemu yanditswe na kiliziya gatulika inkomoko yabyo ntabwo izwi. Ikindi na none nuko kiliziya gatorika yatse abantu bibiliya muli cya gihe  cy’umwijima(Tragédie des Siècles, p. 51 ) nibwo yabonye uko yinjiza ibinyoma byayo bifite inkomoko mu bupagani.

Haje gukurikiraho abagorozi barwanya ibyo binyoma bafite intego yo kugarurira abantu bibiliya (Tragédie des Siècles, p. 419) yari imaze igihe yarambuwe abantu Luteri yaje kubona bibiliya munzu y’ibitabo(Tragédie des Siècles, p. 129) atari azi ko inabaho, kandi atigeze abanaho na rimwe …. Ubwo byabaye ku nshuro ye yambere abona bibiliya yuzuye .

Abagorozi bose babayeho babwiriza ijambo ry’Imana nta Bibiliya biyandikiye ahibwo bayihinduye mu ndimi nyinshyi zitandukanye. Bibilia ya mbere yanditswe mu giheburayo n’ikigiriki (Tragédie des Siècles, p. 181) dore urugero :

ABAVODWA : Nabo mu misozi ya piyemo babonetse mugihe cy’umwijima w’ubupapa, ubwo Roma yasibanganyaga amategeko y’Imana nibo bakomezaga Isabato kandi bubatse kurufatiro rw’ijambo ry’Imana kuko ariryo soko y’ubukristo nyakuri. Bari barahawe inyigisho n’ababyeyi babo  barwaniraga kugundira kwizera « kw’itorero ry’intumwa » kwizera kwahawe abera rimwe risa kugeza iteka ryose ; biswe itorero ryo mu butayu nibo bambere i Burayi, bari bafite Bibiliya yali yanditswe n’intoke yahinduwe mu rurimi rw’iwabo hari hashize n’imyaka myinshi mbere yuko ubugorozi bubaho .Kuba bari bafite icyo gitabo cy’ukuri byabahagukirije urwango rukomeye barwanira guhindanya kw’ibyanditswe (Tragédie des Siècles, p. 66-67) Appendice Bibilia mu bufaransa Tragédie des Siècles, p. 744

Nta wamenya icyo isi igomba abo bantu. Bafashwe nk’abanyabinyoma, barakobwa,imirimo yabo ivugwa nabi inyandiko zabo zirasekereswa, barazipfobya  baranazanga, ariko bakomeza gushikama batajegajega barinda kwera no kwizera kugira ngo bihererekanywe mu binyejana bizakurikirana, uwo murage wera ku rubyaro rwabo. Tragédie des Siècles, p. 61

WICLEF : Nk’umwigisha wa théologia muli oxford  wiclef yabwirizaga ijambo ry’Imana abamutegeraga amatwi muli iyo kaminuza. Umurimo yahaye agaciro ni guhindura ibyanditswe byera mu rurimi rwicyongereza. Mu gitabo cye yise « De la véracité et du sens des Ecritutes ; yagaragaje ibyifuzo bye byo gusobanu bibiliya kugira ngo buri mwongereza wese abashe gusoma ibitangaza by’Imana mu rwe rurimi rwa kavukire (Tragédie des Siècles, p. 89)

Umwuga w’icapiro wabaga utaramenyekana, uwo murimo wagendaga buhorobuhoro  kandi ugoranye kugira ngo haboneke bibilia nyinshi. Kubw’abantu bari bakangukiye inyungu y’icyo gitabo kuburyo nubwo abahagurukiye gukopora bayandika ntabwo babashaga kuzigeza kubazisabaga bose. Abagabo b’abakire  bifuzaga kugira bibilia yuzuye . Abandi baguraga ibice. Kenshi n’imiryango yariteranyaga kugira ngo ibone Bibiliya imwe ihuriyeho  nguko uko guhindura ibyanditswe kwa weclef bitatinze kugera mu biganza by’abantu bo muli Rubanda. Tragédie des Siècles, p. 9

LUTHER : Avuye i wortbourg aho yari afungiwe (Tragédie des Siècles, p. 177) nibwo yaranngije guhindura isezerano rishya… Abonye uko yakiranywe ubwuzu atangira no guhindura isezerano rya kera maze ayiha abaturage bo mu budage mu rurimi rw’iwabo, babyakirana ibyishimo nubwo yanzwe igasuzuurwa n’abayobotse ibihimbano n’amategeko by’abantu. (Tragédie des Siècles, p. 202)

LE FEVRE : Mu bufaransa nawe ahindura isezerano rishya igihe Luteri nawe yarimo akwirakwiza ibyanditswe  mu kidage, mw’isezerano rishya mu gifaransa ahitwa Meaux Tragédie des Siècles, p. 227

TYNDALE : Mu bwongereza, Tyndale afata umwanzuro wo guhindura isezerano rishya mu rurimi rw’iwabo, bamwihakanye aho yari atuye ajya i londoni aho yakoze uwo murimo adakomwa mu nkokora. Ariko kubw’ibitero by’ubupapa bituma yongera guhunga afata umwanzuro wo kujya mu budage asaba kwakirwa ; aho niho yatangiriye gusohora igitabo cye cy’isezerano rishya. Igihe bamubuzaga kugicapira mu mudugudu umwe yajyaga mu wundi. Incuro ebyiri zose umurimo we wakomwe mu nkokora. Ajya i worumosi aho Luteri yahamirije ukuri imbere y’inteko muri uwo mudugudu wa kera harimo incuti nyinshi z’ubugorozi, Tyndale arangiza umurimo we atongeye gukomwa mu nkokora. Asohora ibihumbi bitatu by’isezerano rishya…

Abanze bubugorozi bashaka kuyisibanganya. Umunsi umwe umusenyeri w’i Durham yagiye kw’icapiro ry’incuti  ya Tyndale agura stock yose ya Bibilia azijugunya mu muriro  yibwira ko gukwirakwiza kwazo bikomwa mu nkokora. Ahubwo uwo mulimo urushaho gutera imbere muli ayo mafaranga uwo musenyeri  yatanze hacapishwa izindi nziza gusumbya izambere. Igihe Tyndale yafatwaga bamubaza aba mufashije mw’iterambere ry’icapiro, asubiza ko umusenyeri w’i Darham yamufashije cyane kubwo kugura stock yose y’iduka kugiciro cyiza akaba aribyo byamuhaye uburyo bwo kujya mbere n’umwete Tragédie des Siècles, p. 265-266. Tyndale afungwa imyaka myinshi mu buroko ; kubw’ubuhamya yatangaga biherutswa no gutanga amaraso ariko intwaro yateguriye abasirikare zabahaye ububasha bwo kurwana bagera ku nsinzi kugeza n’uyu munsi.

OLAF PETRI : Muli Siwede ; Umwami wo muri icyo gihugu amaze kwakira ubutumwa bw’abagorozi yasabye ko bahindura isezerano rya kera , nguko uko Siwede yagize bibilia mu rurimi rwabo. Inteko itegeka ko buri bagabura bose biby’iyobokamana bakoresha Bibilia ijambo ry’Imana ryonyine kandi n’abana batangire kwiga ku yisoma mu mashuri Tragédie des Siècles, p. 260.

IMIRYANGO YA BIBILIYA

Mu 1804 : Umuryango wa bibilia w’ubwongereza n’amahanga wakurikiwe n’ishyirahamwe ry’uburayi n’imiryango myinshi yo kunganira . Mu 1816 : Umuryango wa Bibiliya muli Amerika, mu 1918 umuryango wa Bibiliya w’abaprotestanti i Parisi. Igihe umuryango wa Bibiliya mu bwongereza washyirwagaho, ibyanditswe byera bya sohokaga mu ndimi mirongo itanu, kuva ubwo byariyongereye kugeza ku ndimi magane inane. Iterambere ry’umulimo w’icapiro ryafashije cyane ikwirakwizwa ry’ibyanditswe byera… guhera 1971 Bibiliya yagurishwaga no mu duhanda tw’i Roma kugeza ubu irakwirakwizwa mu turere twose dutuwe tw’isi Tragédie des Siècles, p. 309 ;

IHINDANYIJWE  N’ABAGOMBAGA   KUYIRENGERA

Kuva kera umugambi wa satani wari uwo gusibanganya bibiliya. Igikoresho yifashije rero ni kiliziya gatolika impamvu bivugwako Gatolika yabayeho mu gihe cy’umwijima, nuko icyo gihe nta bibiliya yabagaho ahubwo hakurikizwaga imihango n’imigenzo yavuye mu bupagani igafatwa nk’umuyobora uzabageza mw’ijuru nicyo cyatumye ibwirwa ngo aho yicaye niho intebe ya satani iri (Ibyahishuwe 2 :13) mu minsi ya Antipa umugaragu wanjye yiciwe iwanyu aho intebe ya satani iri . Antipa uwo n’abagorozi barwanyije ubupapa ngo bagarurire abantu ijambo ry’Imana (nibo biswe les protestants). Ari nabo twaberetse haruguru bakoze uwo mulimo ukomeye wo kuyihindura mu ndimi z’iwabo.

Mu gihe cya kera kiliziya Gatolika yabanje kubuza abantu kwisomera Bibiliya irekerwa mu biganza by’abapadiri gusa, kugez’ubwo yazimangatanye burundu mu bantu niyo mpamvu Luteri yatangajwe no kubona igitabo atarazi cyari mu rurimi rw’ikiratini gihambirije umunyururu (Tragédie des Siècles, p. 129-130) atangazwa nacyo, aragisoma ashyira ahagaragara ibinyoma 95 bijyaniranye n’indurugensiya (ibyerekeye kubabarirwa ibyaha)

Muli icyo gihe cy’ubugorozi nibwo amaraso y’abera y’amenetse aratemba, n’abandi baratwikwa bazira ukuri bicwa n’abiyitirira ko ari abakozi b’Imana kandi ntakindi bazira uretse gusoma Bibiliya (Premiers Ecrits:214) ubu kiliziya (Ubupapa) buriyoberanya ngo bugere ku mugambi wabwo bw’ihinduye nkuruvu ariko buracyafite ubumara nk’ubwinzoka. Mu mateka yabwo y’imyaka ibihumbi yandikishijwe amaraso y’abera ni gute twawemera nk’umuryango wa gikristo ? Tragédie des Siècles, p. 620.

Mugihe abaprotestanti barimo n’abadivaentiste banze inyigisho za roma kuva kera bakicwa ndetse urupfu ruteye ubwoba, ubu bafatanyije nayo, mu mugambi wo kugera ku ntego yayo, baguye mu kaga nkako itorero rya mbere ryaguyemo ryagabanije kwizera kwaryo ryifatanya n’ubupapa ritekereza ko rizabihanisha maze satani aba abonye icyanzu itorero ararihindanya, yinjira mu bantu abateshura ku kuri kw’ijambo ry’Imana. Umushyikirano wagezweho wo kuvanga ubukristo n’ubupagani kwiyunga kw’abizera n’abasenga ibigirwamana byanduza ubukristo, itorero ritakaza kwera n’imbaraga (Tragédie des Siècles, p. 43).

GATURIKA NTIYAHINDUTSE

Na nubu ntiyihannye ubwicanyi yakoreye abakristo « ibicumuro n’umwijima muby’umwuka byariho mu gihe cy’ubupapa byari ingaruka idasubirwaho yo gukuraho ibyanditswe. None ubu impamvu yo kutizera kwa baye gukwira ivahe ? kwanga amategeko y’Imana, guhindana k’uburyo ryose kandi abantu bari munsi y’umucyo w’ubutumwa bwiza no mu kinyejana cy’umudendezo w’iby’iyobokamana ? Ubu ubwo satani adashobora gushyira abantu mu bubata abambuye bibiliya, yifashisha andi mayeli (kugabanya) kwizera ko mw’ijambo ry’Imana kuko binganya agaciro no kurikuraho Tragédie des Siècles, p. 635-636.

« Neretswe ko Imana yarinze Bibiliya by’umwihariko. Igihe yabaga itarakwira kwizwa cyane, abanyabwenga bamwe bagiye bahindura amagambo amwe n’amwe, batekereza ko aribwo bayumvikanisha neza, ahubwo ibyumvikanaga babigira idadi.bisobanurira uko babyumva kuko buzuyemo umwuka w’ibihimbano. Neretsweko, ijambo ry’Imana rikoze  ikintu kimwe, ni nk’umunyururu wuzuye, kuko umurongo usobanura undi » Premiers Ecrits :220

Satani amaze kubona  ko atazashobora abakristo akoresheje agahato n’ubwicanyi yafashe umwanzuro wo gukoresha uburyo buryoheye abantu. Yari amaze kugabanya inyigisho za Bibiliya n’ibihimbano byagombaga kuzimiza za miliyoni z’imitima y’abantu byari bimaze gushinga imizi.Ahitamo kuba arambitse akarengane yinjiza mu itorero ibihimbano byinshi, kugira ngo abisimbuze kwizera kwahawe abera rimwe risa. Igihe yabonaga itorero ryemeye kwakira inyungu n’ibyubahiro by’isi, ryitwaje ko rizabikuramo inyungu, nibwo ryatangiye kubura amahirwe ku Mana. Rireka kubwiriza ukuri kwagombaga gukura muri ryo abakunda ibibanezeza by’isi, rigenda ritakaza buhoro buhoro imbaraga. Premiers Ecrits, p.226-227.

MBESE AMADINI YANDUYE NAYO YAKWANDIKA BIBILIYA?

Amadini yaguye ntabwo yahamagarirwa kubwiriza ahubwo ni kwihana kiliziya Gatolika yabanje kwaka abantu Bibiliya, binaniranye irabica ikoresheje kubatwika no kubaterera inyamaswa zinkazi nabyo binaniranye  ifata umugambi wo kugoreka ibyanditswe ngo abantu bahere mu rujijo bigereranya no guhindura ibyapa biri mu mahuriro y’inzira nta wundi mugambi ari kugira ngo abagenzi bayobe (Prophètes et Rois, p.134)  icyagushije abaprotestanti nubwo batangiye barwanya ibihimbano n’ibinyoma by’i roma ariko hanyuma bagenda bagabanya kwizera kwabo biyuzuza n’ubugatulika bibwira ko bazabihanisha nyamara bibagiwe ko kiliziya Gatolika idashobora kwihana usibye gusa abana b’Imana bayirimo basabwa kuyisohokamo bakifatanya n’itorero ry’ukuri. Itangiriro ryo kugwa kw’abaprotestanti ngiri: “Igihe abigisha ba teologia b’abaprotestanti batangiye kwigira hamwe bibiliya n’abanyateologiya b’abagatulika n’ibwo umworera wabatandukanyaga wakuweho (Demain apocalypse repond : P.225) maze baba umwe; bashyiraho n’icyumweru cyo gusabira ubumwe bikorwa buri mwaka guhera ku ya 18-25/12/ iyi minsi irindwi yose bayitangiza bari mu nama zo kwiyunga. Nti byatinze ubu n’abadiventiste bagereranywaga n’umurinzi wok u munara urebera ikibi iyo cyaturuka nawe amaze kwicarana na malaya imbere y’inzoga yateretswe.  

AMASOMO BAZAMBIJE :

 

UMURYANGO MWIZA MU GIHE KIBI.

UMURYANGO MWIZA
MU GIHE KIBI

Basomyi dukunda, muri iri hinduka ryihuta ry’ibihe, icyo umwanzi Satani yibasiye cyane, ni Imana n’umuryango. Uwo mwanzi utagoheka yagambiriye akomeje guhindanya ubwenge bw’umuntu, asanga nta kundi yabigeraho, uretse guteza imiryango ubujiji, ubugoryi, ingeso mbi, uburiganya, gahunda nke no kutizera.

Icyo byabyaye ni umwiryane w’abashakanye, ubuhanya, ubwumvikane buke mu muryango, n’abana b’ibirara n’abagome.

Kuri ubu rero, ivugurura n’ubugorozi bibazigamiye ibanga ryo gukangura umuryango, kuwuvugurura no kuwuha icyerekezo gishya kiganisha ku iyobokamana nyakuri, rirangwa n’uburere mboneragihugu n’amahoro asesuye yo mu muryango.

« Kuko uzatungwa n’imirimo y’amaboko yawe, uzajya wishima, uzahirwa. Umugore wawe azaba nk’umuzabibu wera cyane mu kirambi cy’inzu yawe, abana bawe bazaba nk’uduti twa elayo, bagose ameza yawe. Uko ni ko umuntu wubaha Uwiteka azahirwa. » (Zaburi 128:2-4)

Umuryango mwiza urangwa n’ubumwe, ubwenge n’ubwumvikane byose bikayoborwa na gahunda inoze kandi isobanutse.

Iyo aya mahirwe abonetse mu muryango, akabanziriza ku mugabo n’umugore, abana barayigāna, abashyitsi bakayahaha, maze icyo cyitegererezo cyiza kikanduza benshi mu kanya gato.

« Ujye ugira umwete wo kuyigisha abana bawe, ujye uyavuga uko wicaye mu nzu yawe, n’uko ugenda mu nzira n’uko uryamye n’uko ubyutse. Uyahambire ku kuboko kwawe akubere ikimenyetso, uyashyire mu ruhanga rwawe hagati y’amaso yawe. » (Gutegeka 6:7-8)

Umugabo n’umugore bagomba kugirirana urukundo n’ubwubahane bya magirirane. Iyo atari uko bibaye, urugo rwabo rurahinyuka, umwiryane n’amahoro make, igihombo cy’ubutunzi, amakimbirane, bihinduka imva ndende ihambwamo umunezero wabo n’uw’ababo, ndetse n’abandi muri rusange.

UBUREZI BUBONEYE

Uburezi ni iki? Ni inzira nshya kandi nziza yo gukura umuntu mu bujiji, mu mafuti no mu binyoma, ukamwerekeza mu kuri, gukiranuka, ubutabera n’ubutungane.

Uburezi buva ku Mana bukwiriye umuntu wese. Abantu bose babaye intwari, ibirangirire n’ingirakamaro ku isi, kuri benshi muri bo wari umusaruro w’uburezi bwiza.

Dore ibyagiye biranga izo ntwari :

· Imikorere ifite gahunda

· Intego yo gukingira abandi akaga

· Umutima uboneye wo kubagoboka

· Kwiha amahoro mu gihe gikomeye

· Gukora ibyiza byinshi mu gahe gato

· Kwigira ku byabaye ku bandi

· Kuyoborwa n’umutimanama

· Kwemera ingorane, uzira ibyiza

Ibyo byabaga byaratewe n’ubushake bwiza bwo kwiyobora, kwitegeka, guhitamo neza no kwifatira imyanzuro.

« Uhore ubikomeje ku mutima wawe, ubyambare mu ijosi, nugenda bizakuyobora, nujya kuryama bizakurinda, kandi nukanguka bizakubwiriza. Kuko itegeko ari itabaza, amategeko ari umucyo. Kandi ibihano byo guhugura ari inzira y’ubugingo. » (Imigani 6:21-23)

« Ubukwe (ari yo ntango y’urugo) ni imwe mu mpano z’ibanze Imana yahaye umuntu, ni rimwe mu mahame shingiro abiri Adamu yagumanye akimara kugwa akayasohokana muri Paradiso. Iyo amahame y’ijuru yubahirijwe, ubukwe ni umugisha. Ni ingabo ikingira kwera n’umunezero wo mu rugo. Burangiza amakene yo kubana neza n’abandi, bigakuza imiterere y’impagarike, ubwenge bushinzwe gutunganya, kandi ni bwo bwongera ubuhanga. (Patriarches et Prophètes, p. 24)

Umugabo n’umugore bashaka urugo rwiza bagomba guharanira kumvira Imana no guhatanira kugera ku mico ikurikira : « ...kuba neza, kuba umunyakuri, gukiranuka, ingeso nziza, kwirinda, umutima uboneye, urukundo rwa kivandimwe, gukunda Imana. » » (Témoignages, vol. 1, p. 329)

Ibiranga umuryango mwiza

Umuryango mwiza urangwa n’uko buri wese yujuje inshingano ze neza, adahaswe, kandi mu bufatanye, ashakira amahoro n’inyungu mugenzi we, ashaka ko yubahwa, agakundwa.

Umugabo :

Nk’umutwe w’urugo, agomba kurutunga, kuruha gahunda no kugenzura icyerekezo cy’uburezi.

« Bijya bibaho kenshi ko umugore n’abana bahura n’ingorane y’ubunenganenzi yo kudashyika cyangwa akamenyero kabi k’umugabo ari we se w’abana. Uwari kugira ngo mugenzi we abe yarabisuzumye mbere yo gushyingirwa, hakurikijwe umugenzo wa kera, intimba zikomeye ziri mu miryango ntiziba zarabayeho. » (PP, 167)

Ba Se b’imiryango babonaga ko nta makenga yaba arimo baramutse bashinze umunezero w’abakobwa babo abagabo batigeze bazigama ibyo kuzabeshaho umuryango. Iyo abo bagabo babaga batazi gucūnga neza ibyabo no gukora ngo bagere ku butunzi no ku bukonde, byari ngombwa gutinya ko ubuzima bwabo bwazaba ubw’ubuhanya. (Patr. et Proph., p. 167)

Umugore mwiza :

· Ni inyunganizi akaba n’umufasha w’umugabo we.

· Ni umurezi wigānwa cyane n’abo yabyaye.

· Ni irembo imigisha y’umuryango inyuriramo ngo igere ku be no ku bandi.

· Ni urwego amahoro, ubwenge n’ubuzima byuririraho ngo bigere ku bo ashinzwe.

· Ni icyungo gihuza umuryango w’aho ava n’uwaho yashatse, n’abaturanyi.

· Ni ikigega cy’amazi abaturanyi bavomamo umubano mwiza

· Ni umuhuza wica ubwanzi n’amakimbirane

Ni yo mpamvu Bibiliya yamwise umuzabibu (raisin).

Umuzabibu ni ikimera gifite intungamubiri nyinshi, nka vitamini B1 itera gahunda n’itumanaho ryiza, B2 itera kwibuka, n’uruhu rutoshye, B6 itera amahoro, umutekano wo mu bwenge no kwihanganira ibikubabaza. Muri rusange, umuzabibu uri mu biti bitera umutima gukora neza, koroshya amaraso, utera n’ubushake bwiza mu mibonano y’abashakanye.

Umugore mu gikōni agomba kumenya ibyo kurya bitera igikuriro, ubwenge n’imbaraga.

« Nyina w’abana ashobora gutanga icyitegererezo cy’umugisha, kikazagira ingaruka yo kuzahora kinezeza umutima we. Umurimo we ni uwo kurema imico y’abana be ngo bamere nk’Icyitegererezo cyo mu ijuru (Yesu), akayobora intambwe zabo, abanyuza hagati y’ubukungu bwiza n’ububi, mu kayira kabaganisha mu cyubahiro cy’ijuru, kugira ngo abigereho na we agomba gukurikiza inyigisho za Yesu. » (PP, p. 561)

Abana beza :

Barangwa no gukunda ababyeyi bombi, kubaha no guha agaciro ababaruta n’abo baruta, gahunda nziza mu mikorere yabo, umwete wo gutegura ahazaza habo.

Bashimishwa no kugira uruhare mu mirimo yo mu muryango. Babwira ababyeyi aho bagiye, n’igihe bateganya kugarukira, bakanabamenyesha ko bamaze kugaruka. « ...Bene Eli ntibatinyaga Imana kandi ntibubahaga se. Ibyo byatumye Samueli adashaka

gufatanya na bo. Kandi ntiyiganaga imyifatire yabo. Ikintu yahoraga ashimikiriye, kwari ugushaka kuba icyo Imana yagambiriye ko aba cyo. » (Patriarches et Prophètes, p. 561)

« Umwana muto cyane ukunda Imana akayubaha, imbere ya Nyagasani aruta umugabo ufite ubushobozi n’ubuhanga ariko wirengagiza agakiza ke. Imitima y’abana bato biyeguriye Kristo, imufitiye agaciro gakomeye , kimwe n’abamalayika bagose intebe y’ubwami bwe. » (FC,269...)

Ni yo mpamvu bagereranywa na elayo. Elayo ishyushya umubiri kandi ikawubaka, yongera amaraso, irinda amagufwa, ivura impyiko n’umutima, ikingira umwijima n’agasabo k’indurwe, itera umuntu kwituma neza,…

Muri iyi nyandiko nto y’ingobokabwenge, reka tubereke ibimenyetso by’uko turi mu gihe kibangamiye umuryango :

· Hamwe uburezi bwahariwe abakozi

· Ubuzima ntibutuma ababyeyi babonana n’abana babo

· Urubyiruko rushimishijwe no kuba kure y’ababyeyi

· Umuvumba w’ibyaduka uri konona imico, ikinyabupfura n’ubuzima byacu

· Kudamarara kumaze konona byinshi

UMUGAMBI NYAMUKURU WACU :

Ibyo ntunze, imbaraga zanjye, ibyīza nzi, nanjye ubwanjye ni iby’Imana, kuko ndi igisonga n’igikoresho cyayo. Nkeneye ko n’iwanjye haba ubuturo bw’Uwiteka n’irembo ry’ijuru. Igihe ni kibi cyane, intego nyamukuru ni ukwarura abacu bakava mu bibi n’ibyonona. “Dorere, erega ni byiza n’iby’igikundiro, ko abavandimwe baturana bahuje!” (Zaburi 133:1)